سعدية :: صباح النحس اوجه الويل وش مازال شي صباح دبا
اميرة::وشنو نقوليك اماما مسا الخير صافي رتاحيتي
سعدية ::والله حتى غادي تخرجيلي عقلي نتيا الداك الصكعة وش ناس كتكبر وترزن ونتيا كتزيد تسطاي
اميرة ::دبا شنو اماما وش نرجعو لداك ديسك زوين ههههههه
سعدية ::الله اغبرلك شقاف ياوجه الويل الله اسلط عليك شي هبيل اهنيني منك ومن ريحت الغمال ديالك
اميرة::دبا هادا هو الفطور الي صيبتلي والله حتى كيفتح الشهية هههنن ربي اخليك لي هه باش ديما تغنيلي هاد الديسك
السعدية::اويلي وحدي على غدايدي قالتلك الفطور وش ناس تغاداو وجاهم جوع ونتيا كتقولي الفطور وناري ونشداك والله حتى نخليلك ضرسة العقل مرسومة فظهرك ياللفعة مكتنفعي متنصابي
اميرة:: وماما الحبيبة قولي وش كاين ميتحنجر ولا مكينش
سعدية ::الله امسخك سير غسلي داك الكمارة وحلي عينيك عاد سولي على الماكلة وجمعي عليا شعكوكتك راكي خلاعتيني انا لي راني مك ولداك كنخاف ملي كنشوفك هاكا عسا الي مسكين غادي يتلقى بيك الله اكون ليه فلعوان
اميرة::ونا لقيتو بقى عاد اخاف انا هنا معششا فهاد الدار ولا نقولك اماما شوفيلي معاك على شي بكوص
سعدية::سيري دركي خنشوشك ولا نجي نتفك الله امسخك تخافي متحشمي
اميرة ::نموت فيك الحنينة وعلى داكشي مزالة بايرة غير على قبلاك الزين ههههههه
سعدية ::الا الالة غير عطيني بتيساع اشوفيلك فيمن تلصقي ودير ريحت الغمال فبلصا اخرى
اميرة ::صباح زين هادا والله ههه مهم نمشي نعمر كرشي
سعدية::تاكلي فيه جغديد ان شاء الله
اميرة ::غادي اطي لذيذ هههههه
سعدية ::والله مفيك نفس قرانك دارو لادهم وني مازال لصقلي هنا
اميرة ::هههه نموت فالزين وهو معصاب
سعدية غبري غبري قبال منوض
فهاد لحظة اميرة كتحك ظهرها والعلامة ديال 37مرسومة على ظرها
اميرة ::ناري حلفة كتى تشربيني دوا فلوقت ههههههههه
سعدية::ههه لا هديك غير باش نفتحلك شهية اما كون نشدك منعودلكش اش ندير لبنتي الغزالة
اميرة ::وناري على حالتي انا هههههن ومكملينها ومجملينها مسميني اميرة هههنن والله حتى خسارة فيا هاد السمية
سعدية ::مال حالتك شنو نقصاك اللفعة وش بقيتي بجوع
اميرة::الحمدالله ولكن وش هادي الحالة ديال هاد سمية
سعدية ::قوليها راسك ضلي ناعسةوتباتي سهرنا لا زين لا مجي بكري لا قرية لا خدمة وزيدها بايرة ملفوق حد ميديها فيك ولكن بسيف ميديها فيك حد ونتي بهاد الحالة شوفي للياتك كيدايرات
اميرة::ههههههههههه وراه انا امييييييرة
سعدية ::لواه قولي خميرة عندك لحقك خسارة فيك سمية
اميرة :::هههه حكارتي عليا الوليدة غير نتي مدفية جنابك بلواليد ونا هنا قاتلني الوحدنية هههههههه
سعدية::سيري كوني تحشمي حسن منقجك
اميرة :هاهيا غاديا تحنجر تهاناي دبا الزين ههههههههه
مهم سمحولي طلقت ودني على سعدية وبنتها ونسيت معرفتكم عليهم مهم اميرة فعمرها 25 سنة حبسات من القراية شحال هادي ملي كان فعمرها 18 شدت الباك بمقبول غير بزز وحبست مكملاتش القراية شدات فبلاصتها روكنا هي عادية صراحة مسرارة وزوينة بلقا عند لبيوضة بحكم انها شادا غير دار العوينات كحلين وزينا لاطاي تاعها زوينا مقادا يعني تضاريس هما هادوك ههههه ولكن كتلبس عادي ولبس بسيط اغلبية لباس طويل وجلالب بعض المرات كتلبس جينز معا قوامج طوال مكاين لا موضة ولاهم يحزنون ومكديرش المكياج بمرة وكدير الزيف مهم مكيناش داك القضية ديال كول سيمانا شوييينغ يعني بنت شعب بامتياز هههه حيت عيشين على قاد الحال باها حميد نجار معروف بسمعة ديالو ومها مرة مرة كتخيط غير فدار ادا جا عندها شي كليان يعني معادين معا الوقت معندهومش وماخصهمش والحمدالله على النعمة ديالو مهم ساكنين فادرهم الي ورتها باها على جدها الله ارحمو يعني مهنين من الكرا هي معندهاش خوتها كاينا بوحدها وراه غير هي غادي تقفص لمها المرارة هي ضريفة وحنينة ولكن الفعايل ديالها كينسيو يبليس على دارو ولكن هادشي كولو غير فدار ولا فدرب معا الجيران اما على برا معروفة بالبنت المرزنة والمعقلة هههه وهي تهد قبيلة بفعيلها وبما انها وصلت لسن 25 عام يعني خصها تخاف على راسها من العنوسة حيت هادا المغرب ومعاش اللعب هههههه وهنا غادي تبدا محنة البحت عن رجل قبل متولي فخبر كاااااااااااان هههههنن ونمشي تنا نشوف على رسي هههههه
0 التعليقات لموضوع "قصة المشاكسة والسيد متكبر"
الابتسامات الابتسامات